" خواطر" مدونة عملتها عشان اكتب فيها بعض ارائى تجاه مواضيع ممكن تكون شاغله بالى شويه , عاوز الناس تشاركنى رأيهم فيها ,,
اشوفهم بيقولوا أيه فى المواضيع دى من خلال تعليقاتهم .

زى اى واحد استخدمت النت لعمل دون لود افلام و شات انتم كده طبعا ؟ بس ما بين فتره والتانيه كنت احب اتعلم حاجه مفيده فى الكمبيوتر او الانترنت او الثقافه بصفه عامه . بس بدون وجود هدف واضح قدامك او دافع ,جهودك بتتشتت وبتقف عند اول عقبه تقابلك
ما أنت مش عارف هتتعلمها ليه ؟ ايه الهدف ؟ مجهود ووقت ضايع وفايده قليله 
 اعمل حاجه مفيده
بعد فتره حسيت انى عاوز اعمل حاجه مفيده اساهم بيها او اشارك مع الناس ويشاركونى كمان . عرفت المدونات واتعلمت عنها شويه وقررت اعمل المدونه دى " خواطر" ومن اسمه هى مجرد اراء او خواطر ممكن تكرون مفيده ليك او تهمك وممكن لأ . انت اللى هتحكم وتقولى ..
 مدونه شامله
هحاول بأزن الله اخلى المدونه شامله فيها خواطر ( ده الاساسى ) وبعض الترفيه والثقافه وافيد الناس من بعض اللى اتعلمته .

ربنا يسهل ( قول آمين )


يلا بينااااااااااااااا نبدأ